2015
Ólafur Egill Egilsson
Ólafur Egilsson útskrifaðist af Leiklistardeild Listaháskólans 2002 en stundaði einnig nám við Leiklistarskóla Íslands 1998-2000.
Frá útskrift hefur Ólafur starfað jöfnum höndum sem leikari, handritshöfundur og leikstjóri.
Meðal hlutverka má nefna Tíbalt í Rómeó og Júlíu 2003, Kiddi í Brim 2004, Jónas í Kringlunni Rústað 2004 og Andreas í Woyzeck 2005 í uppsetningum Vesturports.
Hjá Leikfélagi Akureyrar lék hann Fagin í Oliver! 2005. Hjá leikfélagi Reykjavíkur Manninn í Terrorisma 2005 og með Leikhóp Frú Emelíu Lilla í Hundrað ára hús eftir Jón Atla Jónasson 2007.
Ólafur hefur starfað við Þjóðleikhúsið frá árinu 2004 og meðal hlutverka þar eru Lovtsík í Svört Mjólk 2004, Johhny í Rambó 7 2005, Makki Hnífur í Túskildingsóperunni 2005, Þjónninn í Fögnuði 2006, Lvov í Ivanov 2007, ýmis hlutverk í Pétri Gaut 2006 og Gerplu 2010, Raunar í Leitinni að Jólunum 2008-14, Jón Marteinsson í Íslandsklukkunni 2010. Pasha í Hreinsun 2011, Örn Úlfar í Heimsljós 2012, Thenadier í Vesalingunum 2013, Kennarinn í Sjálfstæðu fólki 2014 og Teddy í Heimkomunni 2015.
Meðal leikstjórnarverkefna má nefna Crowdpleaser 2004 eftir Jón Atla Jónasson í uppsetningu Reykvíska listaleikhússins. Eigin leikgerðir af Tarftuffe með Stúdentaleikhúsinu 1999, Hundshjarta 2003 og Lilliom 2007 með Herranótt. Hystory eftir Kristínu Eiríksdóttur með Sokkabandinu 2016.
Ólafur hefur skrifað handrit kvikmyndanna Brúðguminn 2007, Sumarlandið 2009, Brim 2010, Afinn 2013 og Eiðurinn 2016.
Meðal kvikmyndahlutverka eru Nói í Einkalíf 1996, Davies í Kóngavegi 2005, Séra Ólafur í Brúðgumanum 2007 og Kiddi í Brim 2010.
Í útvarpi hefur Ólafur meðal annars leikið í verkunum Englabörn 2005, Fjallkirkjan 2006, Augu Þín sáu mig 2006, Egils Sögu 2011 og Þögnin 2012.
Fyrir leikhús hefur Ólafur skrifað leikgerðirnar Fólkið í Kjallaranum 2011 og Svar við bréfi Helgu 2012 fyrir Leikfélag Reykjavíkur og Karitas og Sjálfstætt fólk 2014 fyrir Þjóðleikhúsið.
Meðal annarra verka má nefna Dansverkið Klúbburinn fyrir Listahátíð 2011, leikritið Iris fyrir Þjóðleik 2011 og handrit og framleiðsla heimaldarmyndarinnar Fjallkonan Hrópar á vægð 2012 um baráttu Herdísar Þorvaldsdóttur fyrir gróðurvernd á Íslandi. Talsetningar og stjórn talsetninga á fjölmurgum teiknimyndum, leikmyndahönnun í Grease 2003 og Fame 2004, búningahönnun í Myrkrahöfðingjanum 1997 og gerð leikmyndar í sjónvarpsmyndinni Mynd fyrir Afa 2003.
Ólafur hlaut Grímuverðlaunin fyrir besta leik í aðalhlutverki 2005 fyrir Fagin í Oliver! og Lvotsík í Svartri mjólk. Sem leikskáld ársins 2011 fyrir Fólkið í kjallaranum og sem besti leikari í aukahlutverki 2015 fyrir Kennarann í Sjálfstæðu fólki. Ólafur hlaut Sprotaverðlaun Evrópsku leiklistarverðlaunanna með Vesturporti í St. Pétursborg árið 2011.