2015

Edda Björg Eyjólfsdóttir

Edda Björg útskrifaðist frá Leiklistarskóla Íslands árið 1998. Að útskrift lokinni tók hún þátt í mörgum leiksýningum hjá Borgarleikhúsinu. Hún lék m.a. í Boðorðin níu árið 2001 og var tilnefnd til Grímunnar sem leikkona í aukahlutverki.

Hún hóf störf hjá Þjóðleikhúsinu árið 2005 þar sem hún lék ýmis hlutverk, bæði stór og smá, t.d. í Túskildingsóperunni 2005, Átta konur, 2005, Leg 2007, og Konan við 1000° árið 2014, svo eitthvað sé nefnt. Hún var tilnefnd til Grímuverðlauna fyrir aukahlutverk í leikritinu Leg.

Árið 2010 stofnaði Edda Björg ásamt Mörtu Nordal leikstjóra, leikhópinn Aldrei Óstelandi. Fyrsta leikverk hópsins var Fjalla Eyvindur sem sýnt var í Norðurpólnum. Það verk hlaut tvær tilnefningar til Grímunnar, besta leikkona í aðalhlutverki og besta sýning.ársins 2011 Leikhópurinn, í samstarfi við Þjóðleikhúsið, setti upp Sjöundaá árið 2012, sem hlaut tvær tilnefningar til Grímunnar, Lúkas 2013 sem hlaut fjórar tilnefningar til Grímunnar, m.a. leikkona í aðalhlutverki. Ofsi 2014 sem hlaut 6 tilnefningar til Grímunnar, m.a. “Sproti ársins” og leikkona í aukahlutverki.

Árið 2015 stofnaði Edda Björg, Edda Productions, þar sem hún lék einleik í 4.48 PSYCHOSIS sem var settur upp í samstarfi við Þjóðleikhúsið það sama ár. Í vinnslu hjá Edda Prod. er verkefnið Þórbergur.

Edda Björg hefur leikið í ótal kvikmyndum, sjónvarpsþáttum og útvarpi, og var aðstoðarleikstjóri í Sporvagninn Girnd, hjá Þjóðleikhúsinu 2015.